Concello da Coruña

Concello da Coruña

Bibliotecas Municipais

Alcaldía

Verás que verán

Cartel Verás que Verán

As Bibliotecas Bibliotecas Municipais iniciamos a campaña Verás que verán dirixida a todos os públicos do 21 de xuño ata o 21 setembro.

Ao longo deste verán levaremos a cabo accións e actividades para todos vós e coas que gozaredes moito mais nesta estación do ano:

  • Contacontos
  • Lotes de libros para levar en préstamo
  • Recomendacións literarias
  • Mostras bibliográficas
  • Guías de lectura

MOSTRAS BIBLIOGRÁFICAS 

TEMÁTICAS

Turismo responsanble

Na Rede de Bibliotecas Municipais da Coruña propoñémonos dar a coñecer iniciativas, ideas e recursos para gozar do tempo libre, respectando as medidas de seguridade e conscientes da necesidade dun turismo de proximidade, máis sustentable e respectuoso.

Anos 90´s

Na Biblioteca do Forum Metropolitano viaxemos pois, de novo, aos 90 e naveguemos por listas de éxitos a través dos libros que formaron parte das nosas vidas, das películas que marcaron un punto de inflexión no noso camiño e da música.

PARA PÚBLICO ADULTOS

Tan lonxe tan preto: novela longa vs novela curta

Dende a Biblioteca Os Rosales convidámosvos a ler este verán. Pero que sodes máis, de novela longa ou de novela curta?

Na nosa escolma atoparedes lecturas para todos os gustos lectores. Hai quen reserva as triloxías ou novelas longas (os famosos "tochos") para o verán e hai quen prefire facer "viaxes curtas" a través da novelas de menos de 200 páxinas.

Baseados

Escolma de libros  na Biblioteca de Os Rosales para ler antes.... ou despois de ver. Libros adaptados á pantalla,  series ou cine

Adaptacións literarias ao cómic

Mostra bibliográfica na comicteca da sala de adultos da Biblioteca Os Rosales que aúna cómics e as novelas que lles serviron de inspiración. Adaptacións do máis variadas en canto a estéticas e o modo de contar.

Editoriais Independentes "Sexto Piso"

Dispoñible na Biblioteca de Os Rosales 

Lecturas ao sol

Nunca choveu que non escampara polo que na Biblioteca Castrillón inauguramos este tempo de verán na terraza para que vos acheguedes a gozar das vosas lecturas na mellor compañía 

Lectura Recomendadas

Na sala de adultos da Biblioteca Ágora atoparás unha selección de lecturas recomendadas para este verán, desde novela ambientada no período estival, poesía, libros coas mellores receitas de xeados ou propostas de batidos refrescantes.

Desfruta destas recomendacións e verás que verán!!

PARA OS PEQUEN@S

Os clásicos, os teu e os do teu bebé

Na Biblioteca de Os Rosales relacionamos grandes clásicos da música para o público adulto cos seus análogos dentro da colección de música para bebés.  

Pequen@s grandes naturalistas

Un bo/boa naturalista coñece a súa contorna, protéxea e, por suposto, goza dos espazos naturais que ten ao seu redor. Por iso, este verán, dende a Biblioteca de Os Rosales animámosvos a ler, observar, recoñecer, protexer e gozar do parque como nunca o fixestes

Consegue o teu carné naturalista completando os seguintes retos:

RECOÑECE (Sabes identificar as especies que hai no parque?)

  • Leva un libro en préstamo que che axude a recoñecer unha especie animal ou vexetal do parque.
  • Fotografía ou fai un debuxo dunha especie animal ou vexetal do parque, dinos como se chama e compártea con nós.

PROTEXE (Como coidas do teu parque?)

  • Leva un libro en préstamo que che axude a protexer o parque e o medio ambiente.
  • Pídenos unha tarxeta e escribe ideas para mellorar o parque.

GOZA (Cóntanos formas distintas de disfrutar do parque)

  • Leva un libro en préstamo onde a natureza sexa a protagonista.
  • Fotografía ou fai un debuxo dunha situación na que te divirtas no parque e compártea con nós..

Os nosos básicos

Durante os meses de verán na Biblioteca Durán Loriga teremos unha mostra onde se recollen algunhas das obras dos autores máis recoñecidos da literatura dirixida  ao público infantil e xuvenil. Libros que se reeditan constantemente e que están a pasar desde fai máis de 30 anos de xeración en xeración e que son recibidos polos nenos sempre co mesmo entusiasmo.

Nos meses de xuño, xullo e setembro teremos uns encontros nos que presentaremos aos autores que destacamos cada un deles e faremos contacontos dalgunhas das súas obras.

Estade atentos porque precisaremos abrir inscricións para cada un dos encontros e as prazas voan!

As datas serán:

  • 30 de xuño, ás 12 h.: encontro dedicado a Leo Lioni, Jutta Bauer e Janosch.
  • 30 de xullo, ás 12 h.: encontro dedicado a David Mckee, Arnold Lobel e Maurice Sendak.
  • 15 de setembro, ás 12h.: encontro para presentar a obra de Satoshi Kitamura, Tony Ross e Tomi Ungerer.

GUÍAS DE LECTURAS

Guía de lectura de 0-14 anos

Guía de recursos sobre Turismo Responsable 

LOTES 

Chega o verán e lugares como a sombra dunha árbore ou a beira do mar son espazos perfectos para que as crianzas lean. Para que desfrutedes desta refrescante aventura  preparamos unha escolma de lotes de préstamo con divertidas e variadas lecturas.

Tedes estes lotes dispoñibles nas sala infantís de:

  • Biblioteca Ágora
  • Biblioteca Forum Metropolitano
  • Biblioteca Durán Loriga
  • Biblioteca Sagrada Familia   

Achegádevos ás bibliotecas e escollede o voso lote!

Busca no catálogo

Buscador de actividades

Escribe a palabra ou palabras que desexas buscar

Se o prefires, podes realizar a túa procura combinando distintos criterios. Só tes que acceder á procura avanzada

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión