Cada persoa brilla con luz propia entre todas as demais. Neste espectáculo de danza contemporánea vemos a dous intérpretes, dous amigos, dous cómplices que se atopan nunha sala de xogos. Descobren que hai auga, lume, vento e terra ordenados e á súa enteira disposición. Un cuarto de xogos pode ser unha praia, pode ser un deserto, pode ser o mar. E tamén... cando estamos sós, poden ser moitos mundos.

Atopan moita terra, moito sal coa que debuxar no chan mentres cantan e reflexionan acerca de onde van as cousas que desaparecen. En realidade, nada desaparece todo se transforma, como os trazos que debuxan co sal e as súas mans, do que xorde a danza. As cousas que desaparecen están a nos esperar. Conversan sobre o mundo e as persoas, que son como lumes grandes, mozos e lumes de todas as cores. Dialogan coa palabra e tamén cos seus corpos no espazo.

Natanam significa danza en sánscrito. E ese é o punto de partida deste espectáculo: queriamos dar aos máis pequenos, á primeira infancia, un espazo e un tempo de sensacións a partir da pureza da danza. Natanam é unha aprendizaxe do camiño cara á alegría que produce o desapego. Ao facerse realidade sobre o escenario, démonos conta de que Natanam é un espectáculo multinivel, con distintos graos de simbolismo dependendo da idade e madurez do espectador, por iso pensamos que é ideal tanto para a infancia como para o público familiar.

https://vimeo.com/535800611

Intérpretes: Raúl Durán y Mª José Casado.

Autoría: Omar Meza, Concha Villarubia e Lola Fernández de Sevilla

Dirección e coreografía: Omar Meza

Adaptación: Lola Fernández de Sevilla

Escenografía: DA.TE Danza

Deseño de son e Música: Jesús Fernández e David Campodarve

Deseño de iluminación: Aitor Palomo

Vestiario: Laura León

VENDA DE BILLETES

• www.ataquilla.com
• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.
• Despacho de billetes do Ágora: desde unha hora antes do comezo do espectáculo (sempre que queden entradas dispoñibles)