Charlas e debates
Persoas adultas
08/06/2016
Xa rematou
Biblioteca Municipal Fórum Metropolitano. Rúa Río Monelos 1. 15006 A Coruña
O autor e ilustrador de banda deseñada Antonio Seijas falará da súa obra e responderá a todas as cuestión que os asistentes lle expoñan. Anímate a participar!
Antonio Seijas (Ares, 1976) ilustrador e autor de banda deseñada, falaranos do proceso de creación dos seus albumes de banda deseñada: "Un Hombre Feliz" (Premiado no Certame Castelao da Deputación da Coruña e Premio ao mellor guión no Saló do Cómic de Barcelona por votación popular), "Cartas de Inverno" adaptación da obra de Agustín Fernández Paz e Premio Isaac Diaz Pardo ao mellor libro ilustrado en Galicia 2012 pola Asociación Galega de Editores, e "La LUZ" Nominada a Mellor Obra Española do 2014 nos Premios Expocómic. Asi mesmo amosaranos imaxes dos seus traballos para cubertas de discos, libros, literatura infantil e xuvenil e pintura, e falará dos seus últimos proxectos.
Web de Antonio Seijas: http://www.antonioseijas.com/
Queres saber ...
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis informaciónPrazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible