- Inicio
- Actividades
- Actividades nas bibliotecas
- Detalle evento
Encontros literarios na Biblioteca Os Rosales: Conversa con Llerena Perozo Porteiro
Conversa con Llerena Perozo Porteiro na Biblioteca Os Rosales
Por tipo de actividade:
Charlas e debates
Por tipo de público:
Persoas adultas
A quen vai dirixido?:
+ 16 anos
Cando:
26/05/2026
Inscricións:
Entrada libre ata completar a capacidade
Horario:
18.30 h
Enderezo:
Biblioteca Municipal Os Rosales. Praza Elíptica 1, 1º. 15011 A Coruña
Hashtag:
Contacto:
981 184389
Da man de Llerena Perozo Porteiro pechamos o curso 2025-2026 de Café con libros. Un encontro literario dirixido tanto aos catro clubs de lectura da Biblioteca, como ao resto da poboación do barrio e da cidade. Aínda que promovemos e asistimos á variada oferta literaria da cidade ao longo do ano, sempre é unha motivación extra para todas, contar con autoras e autores na nosa propia Biblioteca e/ou con actividades específicas dirixidas ás lectoras fieis de Café con libros.
Este curso é especialmente relevante para a Biblioteca Os Rosales e é que acabamos de reabrir as nosas portas despois duns meses de peche polo mantemento do edificio onde se atopa o noso servizo.
Así que imos recibir a Llerena Perozo Porteiro con toda a alegría de conversar sobre literatura na sala de adultos e reencontrándonos con todas as que nos queirades acompañar neste encontro. Letras Galegas, Galegas nas Letras, ecofeminismo, a vida de María García en "Os anos tranquilos"... Tantos temas para compartir, que vai ser unha tarde fantástica á que todas/os estades convidadas.
Queres saber ...
- Charlas, conferencias e debates
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis información
Tamén che pode interesar
Sigue buscando actividades similares...
As inscricións
Prazas esgotadas e lista de espera activa? Apúntate! Explicámosche por que. + info
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible