Concertos e recitais
Persoas adultas
14/06/2021
Xa rematou
20.00 horas
Centro Sociocultural Ágora. Lugar Gramela 17. 15010 A Coruña
Este evento forma parte do ciclo "Poetas di(n)versos", citas mensuais co mellor da poesía de Galicia e do resto do mundo, que no 2014 recibiu o Premio da Crítica Galicia á Mellor Iniciativa Cultural.
A décimo segunda edición de POETAS DI(N)VERSOS toca o seu fin este vindeiro luns 14. O ciclo de poesía do Concello da Coruña -fundado e dirixido pola tamén poeta e xestora cultural Yolanda Castaño- encara a novena cita mensual dende o pasado outubro xusto antes da habitual pausa estival que leva coñecendo dende 2009.
Poñerán o ramo a esta edición caracterizada polas flutuacións na capacidade permitida, pero tamén pola incorporación das emisións en liña, dúas das voces máis consagradas da poesía en galego e portugués: Xavier Rguez. Baixeras e Maria do Rosário Pedreira. El é unha das voces máis salientables da coñecida como "Xeración dos 80", e conta no seu haber con premios tan importantes como o da Crítica de Galicia, o da Crítica Española en dúas ocasións, o González Garcés, o Caixanova, o Losada Diéguez ou a Homenaxe o Escritor na súa Terra da AELG tras quince poemarios para alén de ensaios, edicións críticas e multitude de traducións literarias. Hoxe xubilado do ensino medio, a carreira literaria de Baixeras (1945) cumpre neste 2021 corenta anos.
Canto a Maria do Rosário Pedreira (1959), iniciouse nas letras da man da literatura xuvenil, con dúas coleccións adaptadas á televisión que venderon preto dun millón de exemplares. É tamén autora dunha novela, contos, unha biografía de Amália Rodrigues, letras de fados e cancións, pero a súa sona é máis como poeta (Premio da Fundação Inés de Castro) e como unha das máis recoñecidas editoras de literatura portuguesa.
Ambos poetas recitarán os seus textos en lingua orixinal a partir das 20.00 h no Auditorio do Centro Ágora, nun acto de arredor dunha hora de duración, totalmente aberto e gratuíto (90 prazas) e que tamén se emitirá por streaming a través da web do Servizo patrocinador: o das Bibliotecas Municipais da Coruña. Unha libraría de proximidade achegará ao público interesado os títulos dos convidados no caso do interese en solicitar as súas sinaturas.
Queres saber ...
En que consiste Poetas di(n)versos?
O ciclo "Poetas di(n)versos" está composto de citas mensuais coa mellor poesía de Galicia e do resto do mundo. Son actos de arredor dunha hora de duración, abertos e totalmente gratuítos, nos que propios e estraños poderán gozar de versos lidos en idioma orixinal e en tradución ao galego, nas voces dos seus autores e autoras, para descubrir a forza e emoción da palabra lírica.
Máis informaciónPrazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible