O Concello da Coruña e Coruña Sostible traen una completa programación polo Día do Medio Ambiente, defendendo que o cambio comeza nos barrios.

Nas Bibliotecas Municipais sabemos moito da vida de barrio, así que non podíamos deixar de unirnos á axenda, e facémolo da man de Xulia Pisón e do seu cómic "Un día no Monte da Fraga", que será presentado pola nosa compañeira Sira González.

Anímate a descubrir a fauna e flora do Monte da Fraga, situado na cerna do campus da Zapateira, desde a mirada dunha pequena ratiña de campo, amosando a biodiversidade da contorna e fomentando o respecto pola naturaleza.

A creación deste cómic enmárcase na posta en valor deste espazo forestal, restaurado pola Universidade da Coruña en 2006, hai xa 20 anos, con criterios de xestión ecolóxica e sustentable, e que hoxe exemplifica a figura de Custodia do Territorio, unha ferramenta de participación activa que implica a propietarios, comunidades locais e administracións na defensa e coidado do patrimonio natural.

Somos Biblioteca Verde

Este 05 de xuño, as bibliotecas seguimos aí, comprometidas coa acción climática de proximidade.️

• Poñendo en práctica a economía circular.
• Compartindo e defendendo unha información veraz e de calidade.
• Facendo barrio e traballando con entidades da nosa contorna.

E ti, sabes que podes facer polo clima?

• Merca local.
• Móvete a pé, en bus ou bicicleta.
• Usa as bibliotecas.

Esperámoste!