Biblioteca e barrio.

Biblioteca Sagrada Familia, no barrio do mesmo nome. Un barrio caracterizado pola gran presenza de poboación inmigrante.

Cal é o teu traballo, a quen se dirixe e como é o día a día no centro?

O meu traballo na biblioteca desenvólvese maioritariamente en atención aos usuarios no mostrador, inda que pola miña traxectoria profesional e formación dedico tamén tempo ao apoio aos usuarios nas súas dúbidas informáticas e da Rede.

Que é o que máis che gusta do teu traballo na biblioteca?

O que máis me gusta é o contacto cos usuarios e usuarias, porque con frecuencia se establece unha relación persoal. E porque os nosos usuarios acuden á biblioteca para algo máis que usar o ordenador ou levar prestados libros.

Recomendación dun libro (ou disco, etc) que as nosas usuarias poden atopar na túa biblioteca.

Recomendo unha novela que acabo de ler e que me sorprendeu moito: "La pena máxima" de Santiago Roncagliolo. Un retrato dun tempo en latinoamérica e a evolución dun personaxe. Intriga, social e toques de humor que podedes atopar na nosa biblioteca.