Menos pantallas, máis historias!

A Biblioteca Municipal Monte Alto pon en marcha unha nova iniciativa de fomento da lectura en colaboración co Centro de Saúde Monte Alto - A Torre, ofrecendo diferentes espazos e recursos para pacientes e acompañantes.

• "Lendo espero" → Un punto de lectura infantil para nenos e nenas de 0 a 14 anos, con libros, contos e cómics para acompañar as esperas na consulta de pediatría. Tamén conta cunha sección con libros e revistas para nais e pais. ( Acceso libre na sala de espera)
• "Lendo Espérote" → Unha selección de libros recomendados polo servizo de enfermaría obstétrico-xinecolóxica (matrona) para orientar ás mulleres embarazadas e ás súas parellas nesta etapa vital. Os libros están dispoñibles en préstamo na Biblioteca de Monte Alto.
• "Le ante o Reto da Crianza" → Un programa en colaboración co servizo de pediatría do centro de saúde, que ofrece recomendacións lectoras para pais e nais sobre crianza, educación e desenvolvemento infantil. Estes libros tamén se poden levar en préstamo na Biblioteca de Monte Alto.

Como funciona?

• O acceso aos libros en "Lendo espero" é libre durante as esperas médicas.

• Para "Lendo Espérote" e "Le ante o Reto da Crianza", os profesionais sanitarios recomendan lecturas baseadas nunha guía bibliográfica dispoñible na biblioteca.

• Os libros recomendados pódense coller en préstamo na Biblioteca Municipal de Monte Alto.

Transformamos as esperas en oportunidades de lectura!

Máis info na Biblioteca de Monte Alto ou pregúntalle ao teu equipo sanitario.