Concello da Coruña

Concello da Coruña

Bibliotecas Municipais

Área de Fomento e Promoción da cidade

Información xeral do Proxecto Achega

As bibliotecas públicas temos como misión garantir o acceso á información e á cultura a todos a cidadanía, sexa cal for a súa condición, e baseamos a nosa actividade nas necesidades da poboación do noso territorio. Como bibliotecas abertas a todo o mundo, temos que dar servizo tamén a aquelas persoas que non poden ou non fan uso dos servizos pola razón que sexa.

Na Biblioteca Fórum asumimos este reto de apoiar a integración social e a participación cidadá, promover a acción cultural, posibilitar a aprendizaxe permanente, e contribuír globalmente á inclusión social. Por iso nace "ACHEGA: a biblioteca como espazo inclusivo para persoas con diversidade funcional" para conseguir que as persoas con diversidade funcional se sintan usuarias de pleno dereito.

"O principio de inclusión" é un dereito e unha necesidade de vivir en comunidade, estar presente nos mesmos lugares e utilizar os mesmos servizos, así como participar activamente na vida comunitaria.

Unha sociedade inclusiva ten a obriga de facilitar o acceso ao coñecemento e aos servizos culturais dos colectivos en risco de exclusión social e é aquí onde as bibliotecas deben tomar partido. Por iso a través de actividades de promoción da lectura pretendemos facer da Biblioteca Forum un espazo inclusivo, onde a participación activa nas actividades culturais é un factor fundamental no proceso de axuste social das persoas afectadas. A saúde social supón un paso máis na normalización e convivencia.

Con Achega tamén contribuimos á consecución dos Obxectivos de Desenvolvemento Sustentable (recollidos na Axenda 2030). As bibliotecas teñen a misión de contribuír a reducir a desigualdade proporcionando espazos cívicos seguros e abertos a todas as persoas. Sendo así un medio de apoio para os grupos marxinados que teñen dificultades para acceder á información, ao coñecemento e á asistencia en todos os lugares.

Segundo o Manifesto da Biblioteca Pública IFLA/UNESCO de 1994, "a biblioteca pública, porta local cara ao coñecemento, constitúe un requisito básico para a aprendizaxe ao longo dos anos, para a toma independente de decisións e o progreso cultural do individuo e os grupos sociais". 

Recursos accesibles

Libros, Libros, Libros é unha recompilación de diversos recursos gratuítos adaptados a distintas capacidades e clasificados por categorías: libros, contacontos, actividades relacionadas, xogos... todo co obxectivo de empregar a cultura como unha ferramenta para practicar un ocio saudable dende as nosas casas ou centros

Buscador de actividades

Escribe a palabra ou palabras que desexas buscar:

Se o prefires, combina distintos criterios na procura avanzada ou busca nun calendario

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión