A Biblioteca Municipal Ágora conta con 4 aulas que se prestan a grupos de entre 3 e 15 persoas (2 aulas con capacidade para 3 ou 4 persoas e outras 2 para grupos dun máximo de 15 persoas).

Podes solicitar calquera delas de diferentes xeitos: presencialmente na biblioteca, por teléfono ou a través do formulario. En todos os casos, a biblioteca debe confirmarche a súa dispoñibilidade antes de que poidas usala.

Non é conveniente que fagas a túa solicitude no mesmo día en que queres utilizar a aula: ten en conta que se coincide con algunha actividade programada pola biblioteca, esta sempre prevalecerá sobre as demandas dos usuarios e usuarias.

Enviar unha solicitude