Biblioteca práctica e creativa: habilidades manuais na era dixital

A Biblioteca Castrillón, co seu compromiso de ser o "corazón do barrio do Castrillón", lanza un novo programa para este outono. Convidamos a veciñanza a participar en "Biblioteca práctica: habilidades manuais na era dixital", unha proposta que pon en valor o traballo manual nun mundo cada vez máis dixitalizado.

Que aprenderás?

Este programa busca que as persoas asistentes redescubran as habilidades manuais como unha forma de conexión co mundo físico, fomentando a creatividade e a autosuficiencia. Ademais, será unha oportunidade perfecta para encontros interxeracionais e para fortalecer a cohesión veciñal.

A programación inclúe talleres que abarcan desde a adquisición de habilidades para crear un haiku, aprender a crear e pintar con técnicas sinxelas un caderno de viaxe, coser un botón con esmero ou coñecer os segredos da encadernación de sempre, todo pensado para xente nova e adulta.

Corazón do barrio

Desde 2013, a Biblioteca Castrillón ofrece un outono temático no que tenta resaltar a importancia da biblioteca como lugar de encontro, intercambio de inquietudes e participación.

Este programa está destinado a todo o barrio e ten como principal liña de traballo manternos como o " Corazón do barrio " que non deixa de latexar e trata de detectar intereses aos que podemos dar resposta.

Programación de actividades

• Corazón do barrio 2025. Biblioteca práctica: habilidades manuais na era dixital. Presentación do libro Entre botones e hilos (9 de outubro ás 19.00 h)
• Corazón do barrio 2025. Biblioteca práctica: habilidades manuais na era dixital. Obradoiro de iniciación ao Haiku: Captando o instante (16 de outubro ás 17.30 h)
• Corazón do barrio 2025. Biblioteca práctica: habilidades manuais na era dixital. Obradoiro Aprende a coser un caderno . (29 de outubro ás 18.00 h)
• Corazón do barrio 2025. Biblioteca práctica: habilidades manuais na era dixital. Obradoiro de costura expres. Acompáñame a coser un botón. (6 de novembro ás 18.30 h)
• Corazón do barrio 2025. Biblioteca práctica: habilidades manuais na era dixital. Obradoiro Caderno de viaxe: debuxo urbano (20 de novembro ás 18.00 h)
• Mostra bibliográfica en sala: durante todo o programa, contaremos cunha exposición especial de materiais relacionados co mundo das habilidades manuais, dispoñibles para consulta e préstamo na biblioteca.