O club de teatro María Casares é un programa da biblioteca municipal Sagrada Familia, con sesións semanais para aprender, experimentar e crear teatro.

O noso enfoque

• Creación e formación actoral: Aprendemos técnicas actorais -expresión oral, corporal, improvisación- mentres damos forma ao espectáculo final, sexa invención propia ou adaptación de textos dramáticos.
• Un laboratorio colectivo: Fiamos historias en equipo, analizando textos e construíndo personaxes. Sumamos música e linguaxes audiovisuais para dar vida a unha peza única.

Obxectivos

• Desenvolver a expresión oral e corporal, gañando confianza para expresarse en público.
• Partir da riqueza bibliográfica da biblioteca como motor da creatividade escénica.
• Fomentar o traballo en equipo, integrando o club na vida cultural da biblioteca.