En 2025 conmemórase o oitenta aniversario da fin da maior conflagración da historia da humanidade, a Segunda Guerra Mundial. Hai oitenta anos, o 2 de setembro de 1945, o emperador Hirohito asinou a rendición de Xapón a bordo do acorazado USS Missouri, poñendo, dese xeito, o punto final definitivo ás hostilidades. Tan só uns meses antes, en maio, a guerra terminara en Europa coa caída de Hitler e a Alemania nazi en Berlín. Trala fin da contenda chegaron as súas consecuencias, que darían forma ao noso mundo a múltiples niveis e de forma duradeira. Porén, a pesar das oito décadas posteriores de relativa paz e estabilidade, moitos autores e expertos están a falar agora da pugna por unha nova orde mundial, en boa medida debido aos conflictos herdados e non resoltos de aquel tempo. Como se non se tiveran aprendido e asimilado as leccións daquela catástrofe global.

Na Biblioteca Municipal Os Rosales, pola nosa banda, queremos aproveitar a efeméride para facer unha reflexión histórica sobre o que significou a Segunda Guerra Mundial, sobre a súa memoria e sobre o impacto dos seus efectos aínda hoxe en día e sobre como está a transformarse o seu legado no mundo actual. Para facelo, contaremos coa presenza de Xosé Manoel Núñez Seixas, catedrático de Historia Contemporánea na USC e Premio Nacional de Ensaio 2019 coa súa obra 'Suspiros de España. El nacionalismo español 1808-2018'. Ademáis, na actualidade compaxina o traballo na USC co cargo de vicepresidente do Consello da Cultura Galega, onde dirixe o Arquivo da Emigración Galega.