Obradoiro impartido por Francisca García Jáñez, Doctora en Filoloxía Hispánica (especialidade Arte e Literatura) e Catedrática de Lingua española e Literatura. Escritora, poeta, docente e investigadora. Publicou varios libros dentro do campo da literatura e da arte centrados nos Séculos de Ouro e o Romanticismo e tamén escribiu unha triloxía de poemas ilustrados e en edición bilingüe xaponés-español: Tankas habitados (2018); Komorebi, bosque de haikus (2020); e Saza- nami, o que conta o mar (2022). Está especializada en impartir talleres de poesía xaponesa e de microrrelatos. 

Neste taller coñeceremos as ferramentas básicas para elaborar un haiku, máxica composición poética xaponesa que conecta co presente e axuda a serenar a alma. Trátase dun poema curto formado por tres versos de cinco, sete e cinco sílabas respectivamente. Centrarémonos na observación para captar o momento da natureza a través do silencio, a mirada e a palabra.