Antón Fontao é un rapaz que dende que naceu convive cunha discapacidade como é o Síndrome de Joubert, da que fala abertamente no seu libro "Uno más, nada menos: diario de una resistencia ignorada". Un activista a favor da integración e cambio nas aulas para incluír a discapacidade.

Na Biblioteca Durán Loriga  xa contamos con el como participante do club de lectura xuvenil O Ensanche e agora teremos a oportunidade de escoitalo falar deste diario de experiencias sobre a relación co sistema educativo, a súa actividade en Cappaces e como chegou de Sada á sede das Nacións Unidas en Nova York.

Trala presentación e conversa haberá unha sinatura de exemplares.

Esperámosvos!