Temos varias modalidades:

• Escolle e xoga na biblioteca: días de xogo libre os venres e os sábados (busca as horas exactas), sen inscrición, para vir coas túas amizades, en familia ou para coñecer novas persoas coas mesmas ganas de xogar.

• Club de xogos de mesa: este club, organizado dúas veces por mes na Biblioteca Os Rosales e mediado por persoas voluntarias, está dirixido tanto á mocidade, como ás familias e persoas adultas, e permitirá coñecer unha selección de xogos de mesa da Biblioteca e xogar con eles. Para participar precísase inscrición previa.
• Hoxe xogamos a...: Partidas ocasionais dirixidas e dinamizadas por especialistas no xogo.

Leva os xogos a casa

Existe a opción de levar en préstamo os xogos de mesa. Se queres saber as condicións, pica a ligazón do teu interese:

• Xogos en préstamo para persoas
• Xogos en préstamo para entidades