As Bibliotecas Municipais da Coruña volven apostar pola concienciación ambiental coa nova edición do programa  Biblioteca verde: encuentros participativos , unha proposta que combina divulgación, ciencia, participación cidadá e cultura para achegar á comunidade os grandes desafíos ecolóxicos do noso tempo.

Este ano centramos o foco nas múltiples manifestacións da emerxencia climática, desde os impactos sobre os ecosistemas e a biodiversidade ata as consecuencias directas en sectores como o pesqueiro, clave na identidade e economía galegas. A través de obradoiros, conferencias e encontros con especialistas, exploraremos tamén as solucións baseadas na natureza, aquelas que nos permiten restaurar, adaptarnos e mellorar a nosa convivencia co medio dun xeito sostible.

Con actividades pensadas para diferentes idades e públicos, queremos facer da biblioteca un espazo de reflexión e aprendizaxe compartida, onde a información e a acción se dean a man. Porque coñecer é o primeiro paso para coidar, e cada pequeno cambio pode contribuír a un futuro máis xusto e respectuoso co planeta.