En que colaboras?

Lidero un grupo de persoas adultas de conversa en inglés.

Por que te fixeches voluntaria?

Creo que as persoas temos o dereito e o deber de mellorar a realidade na que vivimos. Realizo actividades de voluntariado en educación e formación, porque creo que a educación é unha ferramenta moi importante para mellorar a sociedade.

Participaches en accións similares?

Dende hai tempo colaboro con diñeiro e tempo con varias ONG's. En particular, desde hai tres anos colaboro como profesora de apoio nun programa de reforzo escolar. E dentro da miña actividade profesional, dou clases de inglés desde hai anos.

Que che proporciona a túa actividade como voluntaria nas Bibliotecas Municipais?

Traballar en proxectos municipais proporcióname a satisfacción de contribuír a crear a cidade que todos queremos: participativa, solidaria, aberta, e atenta ás necesidades dos demais. Ofrezo algo que sei facer ben, e a min enriquéceme a relación con outras persoas: membros do grupo e traballadores do Ágora. É un centro moi agradable e ben equipado, do que podemos sentirnos orgullosos como coruñeses.