No marco da programación do Ano Internacional María Casares nas Bibliotecas Municipais da Coruña, terá lugar na sala de adultos da Biblioteca Os Rosales unha conversa a cargo de Sabela Hermida en torno á figura de María Casares e os seus vencellos coa filosofía e o teatro existencialistas ao longo da súa carreira artística.

Sabela Hermida é actriz e bailarina de ampla traxectoria e de polifacética formación. Licenciouse en Filosofía pola Universidade de Granada no ano 2002, realizou o Master en Artes Escénicas: Teatro, Música y Danza, da Universidade Rey Juan Carlos de Madrid e culmina a súa formación académica doutorándose en Artes Escénicas cunha tese sobre María Casares titulada: ¿El desarrollo artístico de María Casares dentro del marco existencialista francés? Sobre María Casares tamén participou nas diferentes actividades e coloquios organizados pola Asociación de Actores e Actrices de Galicia entre os anos 2016 e 2019, e foi convidada no ano 2016 polo Ateneo Republicano de Galicia para impartir a conferencia: ¿María Casares: Exilio e Galeguidade?