Nas Bibliotecas Municipais non queremos deixar de compartir a nosa paixón pola lectura, e por iso ofrecemos novas prazas para clubs de lectura. Se tes máis de 18 anos, se che gusta ler, falar e escoitar, apúntante ao club dos mércores da Biblioteca Ágora, e comparte con xente coma ti eses grandes praceres que proporciona a lectura. 

Nós prestámosche os libros, ti les, e cada quince días, úneste a través do teu móbil, tableta ou ordenador con outros lectores e lectoras para intercambiar opinións. Non precisas grandes coñecementos de literatura, nin ser unha persoa experta en TICS. Simplemente abonda con que che guste ler e debater. Agardámoste!