O luns 18 de decembro ás 19.00 h, na Biblioteca Municipal Fórum Metropolitano teremos a presentación do libro "El ocaso del faro" de Efrén Fernández publicado pola editorial Círculo Rojo

SINOPSE:

Galicia, ano 1943. Un país abatido pola guerra intenta reconstruír a pouca dignidade que lle queda.

Non hai beleza sen castigo, polo que as persoas habitantes desta terra terían que pagar un alto prezo polo simple feito de vivir no berce favorito dalgún Deus. A historia que este humilde trobador vos vai relatar, non é a historia de bandeiras nin ilusións creadas polo home. Vouvos relatar a historia de Charles, un ser insignificante no relativo á creación. Unha persoa que tivo que vivir de primeira man ese castigo imposto desde o ceo e levado a cabo polo home. Unha historia de amor, sangue e vinganza. Un relato escrito desde a escuridade dos días. Unhas páxinas tinguidas do sangue dos inocentes, da voz dos esquecidos. A historia da vida contémplanos desde o trono máis afastado da cordura.

Unha cordura que se perdeu na eterna batalla entre o home e a terra.

BIOGRAFÍA:

Efrén Fernández Muñoz (Betanzos, 1996)

Durante eses anos nos que unha pandemia arrasaba o mundo e nos viamonos obrigados/as a estar encerrados/as nas nosas casas, Efrén descubriu que toda a escuridade que había no mundo e na súa cabeza debía transmitila dalgunha maneira.

Polo que, armado coa pluma, decidiu transitar neste camiño da literatura mostrando unha filosofía que levaba anos no seu interior e que, por fin, atopou o medio para transmitila.

Unha persoa que busca dar voz a todo aquilo ao que a sociedade desterrou.