O mércores 1 de marzo ás 18.30 h temos na Biblioteca Fórum un obradoiro impartido por Mario Brión Toucedo sobre a creación cultural e dixital en galego.

GALLAECIA POP é un obradoiro creado para dar a coñecer as implicacións específicas de vivir sendo unha cultura minorizada, as súas vantaxes e oportunidades creativas e a creación contemporánea en todos os ámbitos culturais que se fai en galego.

Abordaranse aspectos como:

• A evolución da creación musical e audiovisual e casos de éxito na actualidade.
• As posibilidades creativas e comunicativas que os novos medios e soportes ofrecen para a creación en galego
• Os medios dixitais e creación de contido en liña en galego e os certames e proxectos que recompilan e premian esta creación: Youtubeiras, Podgalego, Twitter en galego, Twich en galego...

Tratarase de deseñar unha peza comunicativa en galego, apoiando esta creación no material anteriormente exposto. O deseño deste produto comunicativo está enfocado a buscar fórmulas comunicativas fóra dos prexuízos e clixés da comunicación en galego clásica, buscando crear novas vías de comunicación que axuden a combater a visión negativa das pezas feitas na dita lingua. 

Mario Brión Toucedo. Mario foi premiado no Certame Youtubeiras nas súas cuarta e quinta edición. Deste xeito recibiu o premio Youtubeir@ no ano 2020 e 2021, á parte de acadar o premio a Mellor Vídeo no ano 2021. Actualmente forma parte do xurado da sexta edición do dito certame. Ademais foi galardoado co Premio Meendinho 2022 pola súa actividade de divulgación cultural galega na rede.