- Inicio
- Actividades
- Actividades nas bibliotecas
- Detalle evento
Primavera literaria 2023: Conversa con Diego Ameixeiras arredor da súa obra e a novela negra
Conversa con Diego Ameixeiras arredor da súa obra e a novela negra
Por tipo de actividade:
Charlas e debates
Por tipo de público:
Persoas adultas
A quen vai dirixido?:
+ 14 anos
Cando:
09/05/2023
Xa rematou
Inscricións:
Entrada libre ata completar a capacidade
Horario:
18.30h
Enderezo:
Biblioteca Municipal Os Rosales. Praza Elíptica 1, 1º. 15011 A Coruña
Hashtag:
Contacto:
981 184389
Remata o ciclo de encontros literarios na Biblioteca Os Rosales, nestes meses de primavera 2023, dirixidos tanto aos tres clubs de lectura, Café con libros, como ao resto da poboación do barrio e da cidade. Aínda que promovemos e asistimos á variada oferta literaria da cidade ao longo do ano, sempre é unha motivación extra para todas, contar con autoras e autores na nosa propia Biblioteca e/ou con actividades específicas dirixidas ás lectoras fieis de Café con libros.
Coincidindo co mes das Letras Galegas, celebramos convidar á Biblioteca Os Rosales a Diego Ameixeiras, autor de novela negra en galego. Cos grupos de Café con libros imos traballar polo miúdo as súas novelas O cervo e a sombra e a xa mítica Asasinato no Consello Nacional. Sendo estas obras a porta de entrada para mergullarnos no conxunto da súa prosa.
Diego Ameixeiras (Lausanne, Suíza, 1976) é escritor e xornalista. Publicou en Xerais todas as súas novelas: Baixo mínimos (2004); O cidadán do mes (2006); Tres segundos de memoria, Premio Xerais de Novela (2006); Dime algo sucio (2009), Premio Especial da Dirección da Semana Negra de Xixón; Asasinato no Consello Nacional (2010), Premio Irmandade do Libro ao Mellor Libro do Ano; Historias de Oregón (2011), Premio de Novela por Entregas de La Voz de Galicia; Todo OK (2012); Matarte lentamente (2013); Conduce rápido (2014), Premio Losada Diéguez de Creación Literaria 2015, finalista Premio Hammett 2017; A noite enriba (2015), A crueldade de abril (2018) e O cervo e a sombra (2021), Premio da Crítica Española, 2022 - Premio Follas Novas (Narrativa), 2022. Escribe ademáis habitualmente en La Voz de Galicia.
Queres saber ...
- Charlas, conferencias e debates
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis información
Tamén che pode interesar
Tamén che pode interesar
Sigue buscando actividades similares...
As inscricións
Prazas esgotadas e lista de espera activa? Apúntate! Explicámosche por que. + info
Para ter en conta
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible