A biblioteca de Ágora puxo en marcha en 2014 un programa centrado na formación básica informal para persoas maiores que, debido a determinadas circunstancias da súa infancia e/ou mocidade, non tiveron acceso á educación formal ou tiveron un acceso moi limitado a ela, co obxectivo de promover o acceso á cultura e ao coñecemento, exercitar a memoria, fomentar a socialización dos participantes e apoiar a visión dun envellecemento activo sen estereotipos nin prexuízos reduccionistas.

Hoxe imos coñecer un pouco mellor a Fernanda Castelo Rodríguez, psicóloga xubilada, que colabora connosco como voluntaria neste programa.