Este proxecto consistiu na elaboración dun documento que recolle testemuños de moitas das nosas usuarias e usuarios non conectados con quen nos comunicamos a través do teléfono ao longo do perido de confinamento.

Esas historias de barrio supuxeron ademais de manter un acompañamento emocional a estas persoas, que acoden con asiduidade á biblioteca, redescubrir o barrio desde unha óptica moi reveladora e instrutiva reforzando os valores de memoria e identidade do barrio.

A compilacion da información realizouse a través de chamadas telefónicas por parte do persoal bibliotecario, as cales foron recollidas a través de notas.

Por outra banda recopiláronse fotografías do barrio facilitadas pola veciñanza nunha acción anterior, así como outras de fotos de arquivo e cartaces do fondo local.