A principios dos anos 90 do século pasado, en medio do colapso do bloque soviético e o nacemento dunha nova orde mundial, fixo fortuna nos medios de comunicación a tese de Francis Fukuyama sobre 'a fin da Historia', chegando a convertirse nunha frase incluso popular. Con esa expresión o politólogo norteamericano facía referencia a un suposto triunfo definitivo das democracias occidentais de corte liberal como forma de goberno e vaticinaba a súa expansión, máis ou menos rápida, impulsada pola aceleración da globalización mundial. Porén, a sucesión de conflictos entre autocracias e democracias dende que deu comenzo o século XXI pon en cuestión a validez deste relato e deixa abertas moitas incógnitas de cara ao noso futuro.

En calquera caso, o que semella incontrovertible é que a mirada histórica segue a ser imprescindible para entender a realidade dun mundo cada vez máis complexo: para comprender o presente necesitamos coñecer o pasado; sen contexto histórico é difícil ir máis alá do inmediato.

O ciclo temático consta dos seguintes contidos:

• Unha mostra documental con materiais bibliográficos sobre a temática (ensaio histórico, novela histórica, cómic e cine histórico) para público xuvenil e adulto.
• Lecturas e debates dentro das sesións do trimestre dos programas: El Pensatorio e Clubs xerais .
• Dúas charlas con expertos na materia:
  • " O retorno da historia: Conversa con Marilar Aleixandre arredor de "As malas mulleres" ". 23/11/2022. 18.30 h
  • " O retorno da historia: O pasado xa non é o que era. Historia e memoria colectiva " por José María Cardesín. 30/11/2022. 18.30