Podes solicitar o préstamo de 2 xogos para xogar na biblioteca ou levalos para a casa durante 14 días, con posibilidade de renovar os préstamos por 7 días máis, sempre que non estean reservados por outra persoa (as renovacións poden facerse desde 5 días antes de que venza o préstamo). Tamén é posible reservar un xogo que estea prestado.

Se o que queres é Xogar na biblioteca poderás facelo en días e horarios específicos.

É gratis e só necesitas o carné de bibliotecas ou activar a túa Tarxeta Millennium.

Que hai que saber sobre a devolución do préstamo?

• Para devolver materiais, non é necesario traer o carné.
• Estamos seguras de que entregarás os xogos en tan bo estado e co mesmo número de pezas co que os solicitaches, que comprobaramos no momento da devolución.
• Ollo! Os xogos de mesa hai que devolvelos na mesma biblioteca na que os tomaches en préstamo e este tipo de material non se pode depositar nas caixas de correos de devolución; debe devolverse no mostrador.

Que ocorre se incumprimos os prazos ou perdemos algún compoñente do xogo?

• Incumprimento dos prazos de préstamo: o atraso na devolución leva a unha suspensión temporal do préstamo: un día por cada documento e día de atraso.
• A pérdida ou deterioración de material (ou parte del, como pezas dun xogo de mesa): supoñerá repoñer o material extraviado ou deteriorado. Se xa non está dispoñible no mercado, contacta coa biblioteca na que o retiraches para que vos orienten sobre algún outro xogo de mesa de características similares.