• Acceso ás bibliotecas

O acceso ás bibliotecas é libre e adaptado ás posibles limitacións que marquen as autoridades sanitarias. Consulta os horarios de cada biblioteca. 

Só a Biblioteca de Estudos Locais mantén a cita previa. No resto de bibliotecas podes acceder libremente e non é preciso que o solicites previamente, mais podes facelo se o prefires.

O uso de máscara é obrigatorio para todas as persoas maiores de 6 anos e en todas as instalacións  haberá xel hidroalcólico para aplicarte nas mans antes da túa entrada. Recoméndase tamén o lavado frecuente de mans con auga e xabón.

• Actividades

Retomamos a realización de actividades, virtuais ou presenciais segundo a situación sanitaria do momento. No buscador de actividades aparecen todas as abertas á participación do público.

• Ordenadores de uso público

Volven funcionar con normalidade e, coma sempre, require reserva previa.

• Prensa

Habilitamos novamente o servizo de prensa, que será retirada diariamente para a súa reciclaxe.

• Préstamo e devolución dos materiais

Podes levar ata 10 títulos en préstamo por un período de 30 días. Para ampliar información sobre as características e condicións deste servizo, consulta o apartado "Préstamo".

Do mesmo xeito que outras bibliotecas, como por exemplo as da Xunta de Galicia, eliminamos a corentena dos materiais. 

• Consulta e/ou lectura en sala

O acceso é libre ata ocupar a capacidade máxima, con excepción da Biblioteca de Estudos Locais na que a solicitude é obrigatoria. 

Para asegurar o teu sitio, podes facer a reserva chamando por teléfono ou a través do formulario web (importante: o formulario é unha solicitude e deberás esperar a que che confirmemos a dispoñibilidade). Ten en conta que o acceso para a consulta en sala será asignado exclusivamente nos horarios de apertura de cada biblioteca.

• Visionado de TV e consolas

Para usar este servizo, que será individual, cada persoa usuaria deberá contar cos seus propios auriculares.