Neste faladoiro, presentado e moderado por Iván Serrrano (Biblioteca Municipal fórum) e que terá lugar na carpa da banda deseñada, debaterase sobre cómic emerxente xunto cos autores premiados na XX edición do Premio Castelao de Banda Deseñada, converténdose nun espazo de debate esencial para descubrir novos talentos e o futuro da banda deseñada en galego.

O Premio Castelao de Banda Deseñada é un dos galardóns de cómic máis importantes do ámbito estatal, convocado anualmente pola Deputación da Coruña para impulsar a creación artística e a promoción da lingua galega.

Na pasada edición, resultaron gañadoras as obras "Maré", de Manuel Barreiro Rozados e Elías Oliver Taño, e "Narices!", de Giovanna Lopalco.

• Maré, de Manuel Barreiro Rozados e Elías Oliver Taño, impúxose na categoría xeral, e mergulla ao lector no imaxinario da clase obreira e do mundo mariñeiro.
• Narices!, de Giovanna Lopalco, obra premiada na modalidade infantil e xuvenil, convida ao xogo e á exploración creativa.