O 30 de setembro de 2025, ás 18:00h na biblioteca municipal Sagrada Familia descubre como vestían os nosos devanceiros nunha viaxe no tempo chea de historias, cantigas e diversión. A través da narración oral, os e as participantes coñecerán as distintas pezas dos traxes tradicionais galegos mentres reflexionan sobre como cambiaron os tempos e os valores.

Nunha experiencia participativa e amena, os nenos e nenas poderán vestir réplicas de traxes galegos e levar consigo unha simpática foto de recordo que lles permita lembrar esta aventura pola nosa rica tradición téxtil.

Montse Rivera, experta en tradición galega con máis de 30 anos de experiencia, guiará aos participantes nesta oportunidade única para achegarse ao patrimonio cultural galego de xeito lúdico e significativo, onde historia, xogo e identidade se mesturen nunha experiencia inesquecible.