Os/as bebés precisan contacto, pero nós precisamos ter os brazos libres para continuar coa nosa vida cotiá.

O porteo fai posible a combinación destas dúas necesidades pero, en que debemos fixarnos á hora de escoller un portabebés?, é importante o tecido?, en que postura debe ir o bebé?, hai límite de tempo?

Nesta charla, Iria de Cal, de Arkhé Espacio Educativo, especialista en Educación Temperá e Asesora de Porteo, vai responder a estas preguntas e vainos ensinar a poñer algúns dos portabebés máis habituais do noso contorno.