O teu selfie individual, cos teus amigos ou coa túa familia, e no que se vexa un libro (preferiblemente en galego), pódeche converter no gañador do concurso Nós lemos, e ti?, que convoca a organización Española para o Libro Infantil e Xuvenil (OEPLI) e a súa sección galega formada pola Asociación Galega do Libro Infantil e Xuvenil (GALIX), e no que nós colaboramos.

Antes do 24 de marzo debes enviarnos o teu selfie e un breve texto explicando o motivo de escoller ese libro. Pásache logo pola biblio para que un adulto firme a túa autorización. Tamén podes facerche o selfie no photocall que preparamos na Biblioteca Infantil e Xuvenil.

Os selfies enviados expoñeranse nas bibliotecas que participan neste concurso para que todo o mundo poida votar polas súas favoritas. O tres máis votadas de cada categoría (de 6 a 8 anos, de 9 a 11 e de 12 a 14) serán enviadas á OEPLI para que participen no concurso a nivel nacional. O fallo coñecerase en xuño e o xurado concederá tres premios dotados cun diploma e un lote de libros..

A OEPLI utilizará os selfies gañadores en diferentes soportes e en actividades e campañas relacionadas co Día Internacional do Libro Infantil e Xuvenil, sen que iso dea dereito a retribución algunha para os concursantes.

Anímache a participar, ¡porque temos algunha sorpresa!