O venres 29 de maio ás 19.00 horas terá lugar na Biblioteca Municipal Ágora a presentación do libro "Diario de una poeta muerta", de María Vázquez Guisán.

A obra, publicada recentemente na colección Imaginal de poesía da editorial Olé Libros, constitúe o primeiro poemario completo da autora.

Durante o encontro, María Vázquez Guisán estará acompañada polo escritor Eduardo Estévez.

Descubre máis sobre o poemario

«Ahora / que no escucho el sol / y estoy / al otro lado de las palabras, / ¿qué hará conmigo / la eternidad?». Desde este lugar arrinca Diario de una poeta muerta, un libro construído como un diario íntimo en verso. Poesía que se observa a si mesma desde o máis alá, antes de se extinguir e desaparecer por completo. Unha voz distinta, sobria e depurada na súa nudez, como un silencio en busca da «luz que sobra». Poemas que se interrogan e dialogan entre si, explorando ao tempo a vida, a morte, a memoria, o dó e o propio acto da creación poética.

(Sinopse editorial Olé Libros)

Descubre máis sobre María Vázquez Guisán

María Vázquez Guisán (Valencia, 1972) publica en revistas e antoloxías desde a súa xuventude, entre elas Paraíso -editada conxuntamente coa Deputación de Xaén e a Universidade de Xaén- e Voces Nuevas (XXI Selección) na Colección Torremozas.

Traballou como tradutora, xornalista e profesora de español en Estados Unidos, México e Francia. Con Diario de una poeta muerta, publicado na colección Imaginal de poesía de Olé Libros, presenta o seu primeiro poemario completo.