A gravación deste vídeo arrincou baixo as ordes do noso director Iago Prada. O público estaba moi nervioso, os actores e actrices preparando o seu papel, e o persoal da biblioteca ultimando detalles. Tras varios ensaios e tomas falsas por fin conseguimos as escenas que imaxinaramos sobre o papel en branco. Fomos quen de lanzar a nosa mensaxe grazas á colaboración entre a biblioteca Monte Alto e o alumnado do club de lectura do IES Ramón Menéndez Pidal.