Como todos os venres dende que contamos con xogos de mesa na biblioteca, teremos unha tarde de xogo libre, pero esta vez, o venres 21 de novembro, de 17.30 a 19.30h., continuamos a celebrar o International Games Month (IGM) na Biblioteca Municipal Durán Loriga coa dinamización de xogos para peques de entre 3 e 10 anos, da man dunha compañeira que os preparaou con moito agarimo para a ocasión.

Se queredes que os vosos pequenos e pequenas coñezan novos xogos e velos disfrutar xogando, só tedes que achegarvos á Biblioteca Durán Loriga no horario indicado.

Recordade que temos moitos xogos para todas as idades, dispoñibles para levar en préstamo, que podedes consultar a través do noso catálogo (na sección de xogos), na propia biblioteca, ou preguntándonos para que vos orientemos. Sempre hai un xogo para cada xogador esperando a ser descuberto!

Esperámosvos!