A  Holografía é moi similar á realidade aumentada pero a diferenza desta non necesita de ningún dispositivo (casco, móbil,  tablet,...) para poder gozala. En ambos casos visualízanse imaxes 3D en medio do espazo como flotando nel, ao mesmo tempo que se continúa vendo a contorna na que nos atopamos.

Neste taller aprenderemos a ciencia que fundamenta a  holografía a través do desenvolvemento dunha serie de dispositivos que permitan visualizar imaxes  holográficas utilizando materiais reciclados e deseñaremos e elaboraremos simulacións  holográficas.

Ademais, afondando no concepto de "a luz", que é a base da  holografía, realizaremos unha serie de experiencias creando outros dispositivos sinxelos, tamén con materiais reciclados.