Dentro da conmemoración do Día Internacional das Mulleres, celebrado o 8 de marzo, na Biblioteca Municipal Durán Loriga, acollemos unha charla-coloquio arredor da exposición Virando o Rosa, proxecto da fotógrafa Diana Fajardo, que visibiliza as experiencias de mulleres con cancro de mama na provincia da Coruña e que se poderá visitar durante marzo e abril na Sala Municipal de Exposicións Salvador de Madariaga , na rúa Durán Loriga.

A exposición é o proxecto gañador do VII Premio Luisa Villalta a proxectos pola igualdade da Deputación da Coruña no 2025, que recolle e recoñece iniciativas artísticas e culturais con perspectiva de xénero na provincia.

No caso da charla que se fará na biblioteca as personas participantes son testemuñas  e investigadoras do cancro

A charla contará con mulleres testemuñas e investigadoras que darán  voz ás súas vivencias reais arredor do cancro e estará moderada pola propia Diana Fajardo.

"Este non é un traballo fotográfico sobre o cancro de mama. 

Este proxecto xorde desde a observación da indefensión estrutural das mulleres no sistema sanitario, polo propio feito de ser mulleres."

A charla está enmarcada dentro do centro de interese  Rompendo regras , común a 3 das bibliotecas municipais da Coruña, Durán Loriga, Rosales e Monte Alto. Neste centro de interese atópanse fondos bibliográficos que permiten achegarse á información e ao coñecemento sobre a saúde e sexualidade femininas.