Esta colección consta de máis de cen títulos que, unidos aos que xa posuía  a biblioteca, contribúen, dunha forma máis completa e rigorosa, ao coñecemento e difusión dos temas locais, neste caso, da man dese "rapaz coruñés nacido en Málaga" do que fala D. Ángel Padín, gran estudoso de Picasso, e máis concretamente, da súa etapa coruñesa.

Participarán no acto membros desta familia, lembrando historias e anécdotas dos traballos que fixo Ángel Padín sobre Picasso e sobre a e formación da súa colección.

A bibioteca agasallará ás persoas asistentes coa reedición do catálogo da colección doada, que se fixo co motivo da súa entrega ao Concello no ano 2010.