Os irmáns Seoane (Nieves e Fernando) correteaban alá polo 1942 pola mercería A Crisálida, recentemente traspasada a súa nai. A mercería xa era, por aquel entón, unha das máis destacadas do comercio coruñés. Nela destacaban os seus escaparates, abarrotados de medias, mantillas ou mantóns. Pasados os anos, os Seoane tomaron a dirección da mercería e convertéronse rapidamente nuns dos máis queridos entre a clientela da céntrica rúa de Santo André. Os irmáns parecían saídos dunha película de Jean Pierre Jeunet. Cando pedías un botón, unha cremalleira ou un par de calcetíns, desaparecían na trastenda; ao pouco, aparecían cunha torre de caixas amarradas por unhas longas gomas elásticas e, cun ritmo doutro tempo, dispoñíanse a ofrecer a súa ampla variedade de material. Ir á Crisálida significaba entrar noutra realidade, era "unha mercería con atmosfera de museo ou gabinete de curiosidades", como a definiu Luis Pousa no seu relicario de rúas de Atlantic City. No 2016, por obras de rehabilitación do edificio onde se situaba o comercio, A Crisálida tivo que trasladarse a un baixo próximo da mesma rúa.

Con Laura Sarasola Pontón, Josito Porto, Juan Rodríguez e Beatriz Deus Bouzas

Dirección: Olga Margallo

Produción de Caramuxo Teatro

*Venda de entradas soltas a partir do 5 de setembro

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña