Un gran tesouro escóndese moi preto de nós. Baixo as augas salgadas ocúltanse estrelas de mar, bivalvos, tomatiños de mar e lapas, entre outras moitas especies que só podemos ver se nos achegamos nun breve momento do día, cando baixa a marea. Descubrir toda esa importante fauna e flora que se esconde na franxa costeira da Coruña, é posible durante unha visita intermareal, un paseo con ollos de observador por esa superficie de area e rochas situada entre os niveis coñecidos das máximas e as mínimas mareas. Só necesitas un bo calzado impermeable, preferiblemente botas de auga, e moitas ganas de atopar tesouros e escoitar as explicacións do persoal do Centro Oceanográfico da Coruña, que nos axudará a descubrir e poñer nome a todo o que atopemos. Sorprenderache a cantidade de especies que viven nesa zona do mar que queda sometida ao ritmo diario das mareas.

inscrición