A autora, con formación universitaria en Traballo Social e Filosofía, dedicouse sempre aos estudos de xénero, investigando en temas como a incorporación da muller á universidade, a 'Institución Libre de Enseñanza', a 'Residencia de Señoritas' e a escasa presenza das mulleres na arte.

Despois de ler un artigo sobre o 'Patronado de Protección a la mujer', decide investigar sobre o mesmo. Froito desta investigación, nace este libro que hoxe presenta.

Ten a intención de facelo acompañada dunha das mulleres superviventes destas prácticas levadas a cabo en reformatorios relixiosos, Elena, no seu caso no internado de Porta Real das Relixiosas de María Inmaculada. No caso de non poder participar esta persoa, tratará de contar coa participación doutra muller cuxa nai foi encerrada en 1950 no centro de Bañobre pertencente á mesma congregación.

Levará a cabo a presentación acompañándoa con documentos reais que dean máis consistencia ao seu relato.