O Club de Teatro María Casares conmemora o Día Mundial do Teatro cunha nova posta en escena que combina humor, retranca e crítica social. Neste espectáculo, a compañía representa dúas historias de Osvaldo Dragún que nos fan rir e pensar: Historia de como o noso amigo Panchiño González sentiuse responsable do andazo de peste bubónica na África do Sur e Historia do home que se converteu en can. O absurdo e a realidade mestúranse para ofrecernos un espello no que cuestionar os mecanismos da sociedade e a nosa propia humanidade.

Este grupo teatral naceu no seo da Biblioteca Municipal Sagrada Familia como un proxecto de teatro lido, evolucionando ata converterse nunha compañía amadora consolidada. Desde entón, manteñen o seu compromiso co teatro como ferramenta de expresión e pensamento crítico. Que mellor maneira de celebrar esta data que gozando dunha función feita con paixón e talento? Viva o teatro!