Queres saber ...

• Club de lectura de cómics

  En que consiste o Club de lectura de cómic?

  Destinado a persoas a partir de 15 anos, o Club de lectura de cómic é un grupo que se reúne periodicamente para comentar e valorar un cómic proposto e proporcionado dende as Bibliotecas Municipais da Coruña. Tanto a selección de cómics como as sesións para a posta en común realízanse coa axuda e orientación dun bibliotecario co que compartir experiencias e impresións sobre a lectura.

  Máis información
• Clubs de lectura

  En que consisten os clubs de lectura?

  Os clubs de lectura presenciais son grupos de persoas que se reúnen periodicamente para comentar e valorar os libros que as bibliotecas lles proporcionan coa axuda dunha persoa coordinadora.

  Non tes que ser un/unha experto/a lector/a: os clubs están pensados para persoas con inquietudes culturais, ganas de ler, facer amizades e intercambiar opinións con outras persoas. En realidade, o libro é só o punto de partida.

  De luns a sábado, de mañá ou de tarde, seguro que hai un club para ti.

  Coñece os nosos clubs de lectura

  Clubs de lectura das Bibliotecas Municipais da Coruña (ano 2022

  Máis información
• Clubs de lectura infantís

  En que consisten os clubs infantís?

  Os clubs de lectura infantís son eminentemente lúdicos e reúnen un grupo de nenos e nenas con intereses comúns e afección pola lectura.

  Neles realizamos lecturas diversas que inclúen temas, obras e coleccións do teu interese. Ademais promocionámosche obras pouco coñecidas, autores/as e literatura que completarán o teu percorrido lector introducíndote a historias, autores/as e temáticas que che resultarán novas.

  Máis información