¿En qué consiste BiblioTECH?

BiblioTECH é un programa formado por unha serie de accións informativas, formativas e eminentemente prácticas que se desenvolven na  Biblioteca Municipal Durán Loriga  e que se centran no uso creativo, crítico e seguro das TIC para alcanzar obxectivos relacionados co traballo e a empregabilidade, a aprendizaxe continua, o uso do tempo libre e/ou a inclusión e participación cidadá.

O seu formato adoita ser o de obradoiros ou xornadas divulgativas e vai acompañado dunha colección bibliográfica adecuada e a participación de axentes e especialistas locais, que che axudarán a achegarte ás disciplinas STEM (ciencia, tecnoloxía, enxeñería e matemáticas), á robótica ou á programación mediante o uso de tecnoloxía libre e en código aberto.

Cómo participar

Algunhas actividades requiren inscrición previa (7 días antes do inicio da propia actividade) e outras son de entrada libre ata completar a capacidade.

Onde e cando

As accións teñen lugar na  Biblioteca Municipal Durán Loriga  ao longo de todo o ano.

Nos meses de febreiro (Día da muller e as nenas nas ciencias) e abril (Día internacional das nenas nas Tics) prográmanse accións centradas nas mulleres e a súa necesaria visibilización nestas áreas.

Programación BiblioTECH 2023

• Espazo maker AxudámosTECH

  • Últimos venres de mes, ata o 24.11.2023 (salvo 25 de agosto, que pasa a 8 de setembro).
  • De 18.00 a 20.00 h.
  • A partir de 8 anos e en familia.
  • INFO: Novo espazo maker do programa biblioTECH. Queremos dar continuidade a todos os proxectos que se foron desenvolvendo nos talleres de biblioTECH e, de paso, dar a oportunidade ás cabezas pensantes que esperan poder recrear as súas ideas.

    En familia ou como reto individual, todos os últimos venres de mes prepararase un espazo mentoring e maker na Biblioteca Durán Loriga para desenvolver ideas e proxectos tecnolóxicos cun titor que axudará a darlles forma. Pódense traer equipos personais ou pedir un dos da biblioteca e dispoñer dos materiais desta e os libros do centro de interese Competencia Dixital.

    O obxectivo é ir creando un grupo constante de xente para que leven a cabo pequenos proxectos, con orientación e axuda dun mentor/titor, que axudará de forma personalizada a calquera proxecto ou actividade que se queira facer. 

    Outro dos obxectivos é ir creando unha aula aula maker na biblioteca.

• BiblioTECH. Obradoiro de Xeolocalización e mapeo Xeocaching

  • Sábados do 17.06.2023 ao 12.08.2023
  • De 11.30 a 13.30h.
  • De 12 a 18 anos
  • 10 prazas
  • INFO: Neste taller os asistentes aprenderán pautas para crear unha aplicación coa que poder xeolocalizar puntos de interese e crear un corredor co que calqueira persoa poida coñecer a historia deses puntos e mesmo poder atopar algún tesouro...

    Un sistema de xeolocalización é unha solución da tecnoloxía da información que determina a localización dun obxecto nunha contorna física (xeo-espacial) ou virtual (Internet).

    A miúdo, o obxecto é unha persoa que quere utilizar un servizo baseado na localización, mentres mantén a súa privacidade. Unha das utilidades da xeolocalización é o "Xeocaching".

    O "xeocaching" é unha procura de tesouros ocultos na nosa cidade, na biblioteca, na natureza... Existe un xogo a nivel internacional no que se esconden tesouros por todo o mundo e o teu reto é atopalos. Trátase do "xeocaching", un xogo de pistas e orientación que xa atrae a millóns de persoas. O "Xeocaching", convídanos a saír da casa para atopar "tesouros" e, a cambio, deixarlle outro a unha persoa descoñecida. Grazas a "Xeocaching" poderemos descubrir localizacións que non coñecías na túa cidade, así como en calquera outra parte do mundo, xa que "Xeocaching" funciona fóra de España para que poidas explorar "xunto" a outros usuarios.

• BiblioTECH. Obradoiro "Crea o teu mundo en 3D" (campamento semanal de xullo) 

  • 3-7 xullo e 10-14 xullo (2 semanas)
  • De 11 a 13h. todos os días.
  • A partir de 8 anos e en familia.
  • INFO: A impresión 3D permite a fabricación de produtos personalizados que se axustan ás necesidades de cada usuario. A personalización en masa é unha das tendencias no desenvolvemento de produtos.

    Formarase aos asistentes coas pautas para aprender a deseñar en 3D e posteriormente formar no manexo e mantemento dunha impresora 3D. Tratarase de formar e dar a coñecer todo o posible a existencia e utilización de ferramentas libres tanto de software como de hardware. 

• ProgramaT e iniciaT (programación en JAVA)

  • Sábados do 09.09.2023 ao 28.10.2023
  • De 11.30 a 13.30h.
  • Idades pendentes de concretar.
  • 10 prazas.

  • INFO: A importancia do programador é esencial para a informática, en tanto organiza o proceso de idear e ordenar as accións necesarias para que un determinado proxecto poida executarse nos ordenadores. A era dixital está marcada polo avance da informática e para iso tratarase de dar os coñecementos básicos de programación estruturada en Java, ensinarase a compilar e crear programas sinxelos. Aprenderase a atopar erros de programación e optimizar o código. Desta forma preténdese poñer o grao do pensamento lóxico da programación e o desenvolvemento en Java e ter así unha base para seguir iniciándose en calqueira outra linguaxe de programación.